Por fin chegou o
día!!!!
O alumnado de
5º de E.P. puidemos gozar dunha experiencia marabillosa.
Estivemos no
Mercado de Castro Riberas de Lea, mercado semanal que se celebra todos os
mércores ao longo da mañá, onde podemos atopar gando e postos de venda de
alimentación e textís.
Primeiro
dirixímonos ao mercado gandeiro. E alí recibiunos Roberto, o encargado, e María, unha das veterinarias
que traballa alí para facernos de guía.
Esta
visita permitiunos observar in situ:
·
Varias
das razas que se producen na comarca, fundamentalmente da raza frisona aínda
que tamén había azul belga e rubia
galega.
·
A
forma de identificar aos animais mediante crotales e a súa importancia para
despois garantir a trazabilidade dos alimentos nos que se converten.
·
As
instalacións coas que debe contar un local destas característica para un
adecuado benestar animal así como ás dos camións de transporte.
·
Como
se xestionan os residuos que xera esta actividade.
Iniciamos
a visita ensinándonos por onde deben entrar todos os vehículos para así
obrigarlles a desinfectar as rodas.
Logo
explicáronnos como descargaban os distintos animais e as normas que debían
cumprir os camións.
Pero
o ruído que viña de dentro chamaba a nosa atención, eran todos os muxidos dos
becerriños e as gañas de velos podíannos …
Aprendemos
moitas cousas, que todos os animais tiñan uns “pendentes” chamados crotales que lles permiten coñecer o
historial, localización ou traxectoria dos animais de abasto vivos ao longo da
súa cadea de produción, desde a granxa ata o matadoiro converteuse nos últimos
anos nun factor imprescindible para a posta en práctica de políticas de
sanidade animal e de seguridade alimentaria.
Tamén
amosamos moita curiosidade por como transportaban os animais, facéndolle un
montón de preguntas a María que con toda a paciencia nos foi respondendo. Ao final
démoslle as grazas por todo o que nos ensinou e o amable que foi con todos nós.
Graciñas María.
Logo
tocounos traballar un pouquiño e facer unhas enquisas aos tratantes e
gandeiros, pero estes últimos non os atopamos, xa marcharan todos.
A segunda
parte da actividade da maña consistía en mercar produtos do campo: patacas,
trigo, centeo, millo, fabas, verduras, cebolas, tomates, pementos, etc.
Estaban
emocionados facendo as súas compras, intentando que lles abarataran os
chourizos ou os queixos, negociando entre eles para comprar a medias,…,a
maioría acabou os cartos que levaban pero viñan satisfeitos con todo o que
conseguiran.
Tivemos a sorte de que un dos vendedores nos ensinara como funciona a balanza romana.
Agora toca compartir experiencias e emocións.
E a
comer.
Riquísimo
o polbo!!!!!UMMM